GLORIA FUERTES

Hoxe coñecemos a...

GLORIA FUERTES

A nena poeta

Chámome Gloria e son poeta. Nacín en Madrid, nunha familia pobre. A miña nai era  costurera e o meu pai porteiro e co que gañaban non tiñamos suficiente para vivir e ademais comprar xoguetes ou bonecas, así que, desde moi pequena, traballei no que puiden. O meu primeiro traballo foi copiar direccións en sobres cunha máquina de escribir. Xa entón quería ser poeta. Os meus pais matriculáronme nos estudos que eles crían que poderían axudarme a conseguir un bo traballo: coidado de nenos,  mecanografía... Pero eu apunteime a Gramática e Literatura.

Igual que pasara por colexios aburridos, pasei por traballos moi duros, pero sempre atopei un oco para escribir poemas. Con dezaoito anos publiquei os meus primeiros versos e empecei a dar recitais na radio.

 

Un pouco máis tarde conseguín o primeiro traballo relacionado co que de verdade me gustaba: redactora nunha revista para nenos. A partir dese momento coñecín a outros escritores, participei en faladoiros literarios, estreei varias obras de teatro para nenos e funme facendo un oco no mundo co que sempre soñara. Outra poeta e eu formamos un grupo ao que chamamos "Versos con saias" e pasamos uns anos recitando en bares e cafés de Madrid.

Levei os meus versos polo mundo, dei clases na universidade, traballei nunha biblioteca e na televisión e seguín publicando libros para nenos. Tamén escribín e publiquei poemas para adultos. Aproveitei cada segundo da vida, deixei dito todo o que quería dicir, amei todo o que quería amar. E quedan os meus versos para que ninguén me esqueza. 

Gloria Fortes é un dos referentes da literatura infantil española do século  XX. Entre outros moitos premios, foi galardoada co diploma de honra do Premio Internacional de Literatura Infantil  Hans  Christian Andersen. Gloria Fortes deixou todos os seus bens económicos en herdanza a unha institución infantil, para reintegrar aos nenos todo o que estes lle deron.